الكلام دة ما يتسكيتش عليه

الحياة مفروض إن فيها مواقف ..و إن المواقف دى بطريقة أو أخرى كما يقول الكتالوج ليها شكل معين أو تيمة معينة ، لحن بتمشي عليه . الكلام دة للأسف مش هتلاقوة على المدونة دى . كم مرة عدا عليكم موقف و وقفتوا مصدومين أو ميتيتن على روحكم من الضحك و قلتوا لنفسكم : لا الكلام دة ما يتسكتش عليه؟؟؟؟
هنا ..و هنا بس ...
هنقول ..و نضحك..و نعيط..و نتفرج على الكلام اللى ما يتسكتش عليه..

الثلاثاء، 31 مايو، 2011

راجعين


هو إحنا هنرجع؟؟؟
طب هنرجع فين و لفين؟؟؟
ده إحنا موجودين أصلآ يبقى هنرجع إزاي ؟
ببساطة بنقرر نهرب هي دي الحقيقة ..مش بندون لأن معندناش وقت نحكي لروحنا حاجة..مش عاوزينها تفوق و تسمع اللي بيحصل كل يوم حوليها..مع إن روحنا شايفة و عارفة و مش ساكته و صوتها إتنبح..بس التجاهل سهل ..سهل قوي..
سهل أتعب و مقولش...
سهل أزعل و ما أعتبش...
سهل أحب من طرف واحد....
سهل توحشني لحد ما أكره الهدوم اللي عليه....
لمدة شهر ..كلنا هنتكلم مع أنفسنا و مع بعض لحد ما نجيب لروحنا الرغايه صداع...مهو لازم تجيب كل اللي جواها بالذوق بالعافيه مش فارق....صباحكم فضغضة و حواديت و رغي و غسيل نفوس....